National Library of New Zealand
Harvested by the National Library of New Zealand on: Jul 3 2006 at 4:42:47 GMT
Search boxes and external links may not function. Having trouble viewing this page? Click here
Close Minimize Help
Wayback Machine

New Zealand Department of Internal Affairs : Services : Nga Whakaritenga Whakaahua Skip to Access Key assignments for this site
Skip to the content of this page
Skip to other pages in this section
Skip to site wide navigation
Skip to links for help with this site
Logo of the New Zealand Department of Internal Affairs

Home

Services

About us

What's new

Legal

Forms

Resources

Other pages in this section

Me Pehea te Tono i Tetahi Uruwhenua Aotearoa

Nga Whakaritenga Whakaahua

Nga Uruwhenua ma te Hunga Tamariki

Te whai kia kaua e kahakina he tamaiti ki tawahi

Nga Uruwhenua kua ngaro, i tahaetia

Te Tuhinga Haere ohorere, ara, te Emergency Travel Document (ETD)

Etahi Atu Ratonga

He panui whai take tonu ki te hunga pupuri uruwhenua o Aotearoa

Me Pehea te Whakapa Mai ki a Matou

Return to top of page Content area

Nga Whakaritenga Whakaahua



Nga Whakaritenga Whakaahua mo nga Pukapuka Ripoi Whai Mana o Aotearoa me nga Tono Raraunga
Kua whakahoutia e Te Tari Taiwhenua ana paerewa mo nga whakaahua hei whakamahinga i roto i nga pepa ripoi whai mana o Aotearoa, i roto hoki i nga tono raraunga. Ka whai mana aua paerewa hou i te 1 o Pipiri 2005, ahu atu.

He orite aua paerewa kua whakahoutia nei ki era kua whakatakotoria e te ICAO (International Civil Aviation Organisation). Kua whakahoutia nga paerewa whakaahua a te ICAO kia reri ai mo te whakaurutanga o te uruwhenua a-hiko whai motete takawai tera e ahei te whakamahi i te Hangarau Ahukahuka Kanohi (Facial Recognition Technology) hei whakangawari i te tukanga whakawhiti paenga whenua.

Ma te Tari e uruhi enei whakaritenga kua whakahoutia, a, ka whakahoea era whakaahua kaore e whakatutuki i te paerewa tika. Kia tae katoa mai nga korero, kia tika katoa mai hoki aua korero (me nga whakaahua i te taha), katahi ano te mahi tuhi i te uruwhenua ka timata. Ki te whakakorea he whakaahua, kua takaroatia te whakaotinga o te uruwhenua kia tae mai ra ano nga whakaahua tika. Na reira, ka tono uruwhenua ana koe, me nui tonu te waiho wa mo te mahi atu i to uruwhenua.

Ma te whai i nga aratohu whakaahua ka ahei koe te karo i nga roanga tukatuka tono ma te whakarite i te tuatahi kia tangohia tikahia nga whakaahua.

Kei te noho mana tonu nga whakaahua uruwhenua o te wa nei, ara, era i whakaputaina i mua atu o te urunga mai o nga taumata hou e tika ana.

Ki te hiahia tango atu koe i nga aratohu tango whakaahua, ki te hiahia ta ranei, pehia te hononga i raro. (Kia mahara koa mai ki tenei: he tino rahi rawa atu te tuhinga nei, he tae katoa. Ki te hiahia hoki koe ki te tono tarua maro, me whakapa mai ki a matou). Ka kitea he whakarapopotonga o nga aratohu tango whakaahua i wharangi 3 o te puka tono uruwhenua. Kei roto te konae nei i te takotoranga Adobe Acrobat (.pdf). Ko te tikanga; kia whakautaina ketia te Adobe Acrobat Reader ki roto i to rorohiko. Ka ahei koe ki te tiki atu i tetahi kape koreutu i te pae tukutuku Adobe.

He Tohu a-Whakaahua o to tuakiri
Kia rua nga whakaahua me whakawhiwhia e nga kaitono katoa tae atu ki nga pepe. Ahakoa aha, me tino rite aua whakaahua e rua. Me ata titirohia kaore i takakinotia e te tepara, te pine, rawhi pepa, te pokaitanga, te waituhi ranei, te aha, te aha.

Me penei hoki nga whakaahua, ara:
  • No na noa nei, a, me kaua te tawhito e iti iho i te ono marama
  • Me kitea katoatia a mua o te kanohi, te mahunga, a mua hoki o nga pokohiwi - ko nga whatu e titiro tika tonu ana ki te kamera, e tuwhera tonu ano hoki me te mahunga e tu tika ana
  • Me kaua rawa he potae, he tipare, he mea ranei e maua ki te mahunga. Mehemea na tetahi take whakapono, take rongoa ranei koe i mau ai i enei, tuhia koatia te take ki roto i te Whakapuakanga A-Ture o te puka tono uruwhenua
  • Mo nga tono katoa, me kitea maramatia nga ahuatanga o te kanohi, o raro o te kauwae ki runga o te rae, a, me nga taha hoki e rua.
  • Me kaua te mohiti ra. Pai tonu te mau mohiti ahua pango engari me kitea tonu nga whatu. Me kaua he marama whakaata e piata mai i runga i nga mohiti. Me Tangohia atu nga mohiti he matotoru, he taumaha ranei nga anga.
  • Me pono marika mai te ahua o te pakoko, me kaua e whakarerekengia
  • Me maheahea, me koi, me arotahi, me iti rawa te marama e piata mai ana i te kanohi
  • Me momore noa, me mama noa te tae o muri (kauaka te ma, te pango ranei), a, me kaua hoki he ataarangi e kitea i muri
  • Me teitei te kounga o te tae e whakaatu mai ana i nga kauruku tuturu o te kiri (kaore hoki he whakaahua pango, he whakaahua ma e whakaaetia)
  • Me tahia ki te pepa whakaahua o te kounga teitei, ki te kiriata tae ohotata, a, ki te pepa puia piata iti. Ko te mea nui rawa atu, ko te whiwhi purere ta he teitei rawa atu nga punaha engari ia me whai tonu nga purere ta i nga punaha teitei rawa
  • Me kaua e ta ma te purere ink jet ki te pepa he piata teitei, ki te pepa puia matotoru ranei
  • Me titiro noa mai te tangata e whakaahuatia ana, me kopi te waha
  • Me puare tonu nga whatu, he marama ki te kite atu, otira kaua te kanohi, nga whatu ranei e hunaia e te makawe
  • Me 45mm te teitei, me 35mm te whanui ake o te whakaahua
  • Me noho te mahunga ki te 80 orau (36mm) te nuinga rawa, heke iho ki te 70 orau (32mm) te itinga rawa o te whakaahua)
Ko te kaiwhakaatu e whakaingoa ana i te kaitono o te puka tono, me tuhi ia i te ingoa katoa o te kaitono ki muri o tetahi whakaahua, ka haina ai ki tona ake ingoa me te tuhi i te ra i hainatia ai taua whakaahua. Me matua oti tenei i te kaiwhakaatu.

Return to top of page
Links for help with this site

Site map

Search

Help

Contact us

Email us

Govt.nz

Return to top of page

Last updated: 03/04/2006