National Library of New Zealand
Harvested by the National Library of New Zealand on: Jul 3 2006 at 4:42:47 GMT
Search boxes and external links may not function. Having trouble viewing this page? Click here
Close Minimize Help
Wayback Machine

New Zealand Department of Internal Affairs : Services : Me Pehea te Tono Raihana Marena Skip to Access Key assignments for this site
Skip to the content of this page
Skip to other pages in this section
Skip to site wide navigation
Skip to links for help with this site
Logo of the New Zealand Department of Internal Affairs

Home

Services

About us

What's new

Legal

Forms

Resources

Other pages in this section

Te Rehita Whanautanga, Matenga, Marenatanga

Te Tono Tiwhikete Whanautanga, Matenga, Marenatanga Ranei

Nga Tiwhikete Whanautanga me te Whangai Tamariki

Me Pehea te Tono Raihana Marena

Te Marena ki Tawahi

Te Tu hei Kaiwhakamana Marena

Te Noho hei Kaiwhakanui Hononga a-Ture

Te Hononga a-Ture

Me Pehea te Rapu i tetahi Kaiwhakanui Hononga a-Ture

Te Huri i Tetahi Ingoa

Te Toro Whakapapa

Nga Whanautanga, nga Matenga, me nga Marenatanga: He Patai ka Pataihia Nuitia

Me Pehea te Whakapa Mai ki a Matou

Return to top of page Content area

Me Pehea te Tono Raihana Marena


E whakaaetia ana kia marenahia nga tangata katoa o Aotearoa mehemea e watea ana ratou ki te pera ki ta te ture titiro. E ai ki nga ture o Aotearoa, ka watea te tangata kia marenatia mehemea:
  • kaore ia e honoa ana ki tetahi atu (mehemea ranei i marenatia i mua, kua whakakorehia taua hononga e tetahi koti).
  • kua eke ona tau ki tera e tika ana (kua 16 tau neke atu ranei pakeke, heoi ano, mena kaore ano kia 20 nga tau, me whakaae ano nga matua).
  • Kaore e whanaunga tata ana, a-toto, a-marenatanga, a-whangai ranei. Ara nga taipitopito korero mo enei tumomo marena kaore e whakaaetia ana, kei te puka Whakaatu i te Takune kia Marenatia - whakamahia ai tera puka ina tonoa ana he raihana marena.
Mehemea kaore koe i te noho ki Aotearoa, me whakapa atu koe ki nga mana whakahaere o te wahi kei reira koe e noho tuturu ana, mo te tupono ara he mahi motuhake mau, he ture ranei e hangai ana ina marena koe ki Aotearoa.


He aha nga mahi me oti i a koe i mua i to marenatanga ki Aotearoa

Me whakatau ahea, ki hea korua marenahia ai
Me mohio koe ki enei ahuatanga ina whakaki koe i to tono raihana marena.

Kowhiria he Kaiwhakamana Marena
I Aotearoa nei, ka matua riro ma te kaiwhakamana marena kua rehitatia korua ko to hoa e hono. Koia tera ko te Kairehita Marenatanga, ko te kaiwhakamana marena a-hapori ranei, ko te minita ranei o tetahi hahi, ko tetahi tangata ranei kei raro i te maru o tetahi whakahaere kua whakaaetia mana tenei mahi. Me whakapa atu ki tetahi Kairehita o nga Marena mo te rarangi ingoa o nga Kaiwhakamarena kua oti te whakamana.

Me whakapa atu koe ki to kaiwhakamana marena ki te whakatau i te wa me te wahi e tu ai te marena i mua i to tono raihana marena.

Te Tono Raihana Marena
E whiwhi raihana ai koe, me whakaki e koe tetahi puka tono (te BMD60, te BDM58 ranei - tirohia nga korero i raro nei). Ka taea e koe puka te hopu hei tuhinga .pdf, ka ta ai hei whakaki mau. Mehemea ranei kei Aotearoa koe e noho ana, ka taea te puka tono te tiki te Whare Rehita Marenatanga o Aotearoa e tino patata ana ki a koe, te tono ranei i te waea 0800 22 52 52. Tirohia: Ahea, Pehea te Tono Raihana Marena.

Te Whakatakoto Whakapuakitanga a-Ture
Ina whakakiia e koe te puka tono raihana marena, me whakatakoto whakapuakitanga a-ture ano koe i te taha. Mau, ma to hoa rangatira ranei e whakatakoto tetahi whakapuakitanga a-ture e ki ana: kaore he ahuatanga i raro i te ture hei aukati i te marenatanga; he pono, he tika nga korero katoa ka homai e korua; kaore korua e tata rawa a-whanaungatanga nei; a, (i nga wahi e hangai ana) kua whakaae nga matua.
  • Mehemea kei Aotearoa koe e noho ana - me whakatakoto tenei whakapuakitanga i mua tonu i te aroaro o te Kairehita Marenatanga. Tirohia te rarangi wahi noho mo te Kairehita e tino patata ana ki a koe.
  • Mehemea e noho ana koe ki waho o Aotearoa - ina oti i a koe te puka, kua hainatia e i te whakapuakanga i raro i te ture, a, kua tohua e tetahi Kairehita o nga Marena o Aotearoa, e tetahi Mangai ranei Here ki Aotearoa; ka ahei koe te tono i te puka ki te Kairehita o Nga Marena o Aotearoa e tutata ana ki te wahi e pirangi na koe kia marena ai (anei te rarangi wahi noho). Me whakaatu atu ki te Kairehita te ra e hiahia ana koe ki te tiki i te raihana marena (kia toru ra, nui ake ranei i muri i te taenga atu o to puka ki te Whare Rehita) Mo te roanga atu o nga korero e pa ana ki te tono raihana i a koe i tawahi, tirohia te wahanga 'Ahea, Pehea te Tono Raihana Marena - mehemea kei waho o Aotearoa korua tahi e noho ana' (kei raro nei).

Ahea, Pehea te Tono Raihana Marena
Me tiki raihana marena koe i te Tari Rehita Whanautanga, Matenga, Marenatanga e tino mama ana hei toro mau.
Hei tono raihana marena, me whakaki e koe te puka e tika ana.
Ka mana te raihana marena mo te toru marama noa iho mai i te ra e tukuna atu ai. Mo taua toru marama, e watea ana korua kia marena tahi ki te wahi e tohua ana i runga i te raihana. Me tautuhia he wahi ke atu pea mo te marena ki tera kei runga i te raihana, ki te tupono kino te huarere.


Te Utu mo te Raihana Marena

Te marena ka tu ki te Tari Rehita
Ki te hiahia korua kia honoa korua e te Kairehita Whanautanga, Matenga, Marenatanga i te Tari Rehita, me utu te NZ$170.00 i a koe ka tuku mai, ka mau mai ranei i te puka kua oti i a koe te whakaki. Kei roto i tenei utu nga moni mo te raihana marena. Tena whakamohio atu ki te Kairehita i te tari ki reira tu ai te marena he aha etahi ra me etahi haora e pai ana ki a korua mo ta korua marena. Kaua e wareware ki te homai i nga korero e whakapa atu ai te tangata ki a koe (hei tauira, he tau waea i Aotearoa, he kainga noho ranei) kia taea ai e te Kairehita te whakapa atu ki a koe ki te ata whakarite i te wa e pai ana ki te katoa.

Te marena ka whakahaeretia e te minita, e tetahi kaiwhakamana marena ranei i waho o te tari rehita
E NZ$120.00 te utu mo te raihana. E tukuna ai te raihana, me matua whakaatu ki te puka te ingoa o te kaiwhakamana marena, ka mutu, me kaiwhakamana kua rehitatia kia tu hei kaiwhakamana marena i Aotearoa.

Me pehea te utu mo to raihana marena
I nga Tari Rehita, e whakaaetia ana te utu ki te haki, ki te kari taurewa, ki te moni uka, a, i etahi tari, ki te EFTPOS.
  • Mehemea e tukuna ana nga moni utu i roto tonu o Aotearoa, ko "Te Tari Taiwhenua/Department of Internal Affairs" te ingoa kia tuhia ki runga i te haki. Kauaka e tuku moni uka mai.
  • Mehemea e tukuna ana nga moni utu ma te poutapeta, a, kei tawahi koe, me utu ki te haki a te peke (ka taea enei te hoko i nga peke katoa) ki nga tara o Aotearoa. Ko "Te Tari Taiwhenua/Department of Internal Affairs" te ingoa kia tuhia ki runga i te haki.
  • Mehemea e tukuna ana to tono ma te poutapeta, ka taea ano hoki te utu ki te kari taurewa (ki te Bankcard, te Mastercard, te Visa ranei). Ina pera, me tuku mai nga korero katoa e hangai ana.
Te Tiki me te Whakamahi i to Raihana Marena
Ko te tikanga, ka tukuna te raihana marena e toru ra i muri i te taenga mai o te puka Whakaatu i te Takune kia Marenatia (te BDM 60, te BDM 58 ranei) me nga moni utu i te taha.

Ara etahi ahuatanga motuhake e taea ai e te Kairehita te whakapoto ake taua toru ra mai i te wa e whakakiia ai te puka ki te wa e watea ai te raihana kia tîkina. Heoi, e kore e poto ake i te kotahi ra.

Ka toru marama to raihana marena e mana ana mai i te ra e whakaputaina ai. Mo taua toru marama, e watea ana korua kia marena tahi ki te wahi e tohua ana i runga i te raihana.

Ki te whakarerekengia e koe to Kaiwhakamarena kua whakaaetia, to wahi marena ranei, me whakamohiotia e koe te Tari Rehita no reira ra to raihana.

Return to top of page
Links for help with this site

Site map

Search

Help

Contact us

Email us

Govt.nz

Return to top of page

Last updated: 16/02/2005