National Library of New Zealand
Harvested by the National Library of New Zealand on: Jul 3 2006 at 4:42:47 GMT
Search boxes and external links may not function. Having trouble viewing this page? Click here
Close Minimize Help
Wayback Machine

New Zealand Department of Internal Affairs : Services : Nga Tiwhikete Whanautanga me te Whangai Tamariki Skip to Access Key assignments for this site
Skip to the content of this page
Skip to other pages in this section
Skip to site wide navigation
Skip to links for help with this site
Logo of the New Zealand Department of Internal Affairs

Home

Services

About us

What's new

Legal

Forms

Resources

Other pages in this section

Te Rehita Whanautanga, Matenga, Marenatanga

Te Tono Tiwhikete Whanautanga, Matenga, Marenatanga Ranei

Nga Tiwhikete Whanautanga me te Whangai Tamariki

Me Pehea te Tono Raihana Marena

Te Marena ki Tawahi

Te Tu hei Kaiwhakamana Marena

Te Noho hei Kaiwhakanui Hononga a-Ture

Te Hononga a-Ture

Me Pehea te Rapu i tetahi Kaiwhakanui Hononga a-Ture

Te Huri i Tetahi Ingoa

Te Toro Whakapapa

Nga Whanautanga, nga Matenga, me nga Marenatanga: He Patai ka Pataihia Nuitia

Me Pehea te Whakapa Mai ki a Matou

Return to top of page Content area

Nga Tiwhikete Whanautanga me te Whangai Tamariki


Ina whangaihia tetahi tamaiti i raro i te ture, ko te tiwhikete whanautanga ka tukuna i te nuinga o te wa, ko to muri i te whangaitanga, e whakaatu ana i nga ingoa o nga matua whangai.

Mehemea i whangaihia koe, tera ka hiahia tono koe i tetahi tauira o to tiwhikete whanautanga taketake ake, e whakaatu ana i nga ahuatanga e pa ana ki to whanautanga i mua i te whangaitanga.

I raro i nga ture o Aotearoa, ka taea tenei ina eke ki te 20 o tau. Heoi ano tau, he tuhi ki te Whanautanga, Matenga me Marenatanga, Pouaka Poutapeta 10526, Te Whanga-nui-a-Tara, Aotearoa. Me tuku mai koe i enei:
  • Te katoa o to ingoa (to ingoa whangai)
  • Te wahi i whanau ai koe
  • Te ra i whanau ai koe
  • Te/Nga ingoa o to/o matua whangai
  • To wahi noho to tau waea
  • To waitohu
  • Te utu mo te tiwhikete - NZ$15.00 (e mau mai ana ki tenei te utu mo te tuku a-poutapeta ki hea ake o te ao)
Mehemea kei Aotearoa koe e noho ana, a, e mau mai ana ki to tiwhikete whanautanga taketake ake te ingoa o o matua ake, o tetahi ranei o raua, ka tukuna ano he rarangi kaiarahi ki a koe. I raro i te ture i Aotearoa, me matua kowhiri koe i tetahi kaiarahi mai i taua rarangi, me te whakaatu atu ko wai tau i kowhiri ai ki te Kairehita Matua. (Ka taea ranei te kowhiri tetahi kaiarahi i to reta tapae tono; ma konei e poto ake ai te wa ka pau ki te mahi i to tono.) Ko ta te Kairehita Matua, he tuku i to tiwhikete whanau ki taua kaiarahi. Ma te kaiarahi e whakapa atu ki a koe, ka whakarite huarahi e whiwhi ai koe i to tiwhikete whanau.

Ko te wahi ki te kaiarahi, he whakatakoto parongo, he awhina, he awhi i a koe. Kaore e taea e ia te kore e whakaatu atu i nga parongo ki a koe e ki ana te ture e tika ana kia hora ki a koe. Ara ke tana, he whakaatu atu me pehea te kimi, te whakapa atu ki o matua, ki tetahi ranei o raua.

Mehemea kei tawahi koe e noho ana, ka tukuna atu to tiwhikete me tetahi tuhinga e whakaatu ana i te wahi noho o te Pou Whakahaere o nga Kaupapa Toko i te Ora (ara, te Director-General of Social Welfare). Me he patai au, whakapa atu ki a ia.


Te Aukati
Ara etahi ahuatanga e taea ai te aukati te ahei o te tangata ki nga korero e pa ana ki nga rehitatanga whanautanga i mua i te rironga hei tamaiti whangai:
  • Mehemea he whangai koe, a, kaore koe e hiahia kia whakapa atu o matua tuturu ki a koe, ina eke ki te 19 o tau kua ahei koe ki te tuhi ki te Kairehita Matua i te Whare Rehita Pokapu ki te tono kia kaua e tukuna e te Tari Awhina i te Tamaiti, te Rangatahi, tae atu ki te Whanau nga korero e mohiotia ai ko wai koe. Me matua whakaatu koe ki te Kairehita Matua mehemea kei te hiahia koe kia tautokona e te kaiarahi.
  • Mehemea ko koe tetahi o nga matua tuturu o tetahi tamaiti i whangaihia i mua i te 1 Poutu-te-rangi 1986, ka ahei koe ki te tuhi ki te Kairehita Matua i te Whare Rehita Pokapu ki te tono kia kaua e tukuna nga korero mou e mau mai ana ki te rehitatanga whanautanga taketake ake o te tamaiti. Heoi, kaore i nga matua ake o nga tamariki whangai i whanau i muri i te 1 Poutu-te-rangi 1986 te mana ki te aukati i era momo korero. Me matua whakaatu koe ki te Kairehita Matua mehemea kei te hiahia koe kia tautokona e te kaiarahi.
Ka mau tonu te aukati mo te 10 tau. Ina eke tera, ka taea te whakakore, te whakahou ranei mo tetahi atu 10 tau.

Mo te roanga atu o nga korero e pa ana ki tenei mana aukati, tena whakapa atu ki:

Te Wahanga o te Parongo me nga Ratonga Whangaitanga
Te Tari Awhina i te Tamaiti, te Rangatahi, tae atu ki te Whanau
Pouaka Motuhake 6901
Marion Square
Te Whanga-nui-a-Tara
Waea: (04) 917-1155
Waea whakaahua: (04) 918-0029
www.cyf.govt.nz

Return to top of page
Links for help with this site

Site map

Search

Help

Contact us

Email us

Govt.nz

Return to top of page

Last updated: 07/04/2005