National Library of New Zealand
Harvested by the National Library of New Zealand on: Jul 3 2006 at 4:42:47 GMT
Search boxes and external links may not function. Having trouble viewing this page? Click here
Close Minimize Help
Wayback Machine

New Zealand Department of Internal Affairs : Services : Te Tono Tiwhikete Whanautanga, Matenga, Marenatanga Ranei Skip to Access Key assignments for this site
Skip to the content of this page
Skip to other pages in this section
Skip to site wide navigation
Skip to links for help with this site
Logo of the New Zealand Department of Internal Affairs

Home

Services

About us

What's new

Legal

Forms

Resources

Other pages in this section

Te Rehita Whanautanga, Matenga, Marenatanga

Te Tono Tiwhikete Whanautanga, Matenga, Marenatanga Ranei

Nga Tiwhikete Whanautanga me te Whangai Tamariki

Me Pehea te Tono Raihana Marena

Te Marena ki Tawahi

Te Tu hei Kaiwhakamana Marena

Te Noho hei Kaiwhakanui Hononga a-Ture

Te Hononga a-Ture

Me Pehea te Rapu i tetahi Kaiwhakanui Hononga a-Ture

Te Huri i Tetahi Ingoa

Te Toro Whakapapa

Nga Whanautanga, nga Matenga, me nga Marenatanga: He Patai ka Pataihia Nuitia

Me Pehea te Whakapa Mai ki a Matou

Return to top of page Content area

Te Tono Tiwhikete Whanautanga, Matenga, Marenatanga Ranei


He tuhinga whaimana te tiwhikete whanautanga, matenga, marenatanga ranei e mau mai ana ki roto nga parongo kua rehitatia e pa ana ki te whanautanga, te matenga, te marenatanga ranei o te tangata. Ahakoa ko wai te tangata, ka ahei ia ki te hoko i enei tiwhikete. Heoi ano tau, he tuku mai i nga korero e hiahiatia ana, me te utu i te NZ$26.00. Ka taea e koe te tuku aua korero i te waea, i roto ranei i te reta, i te i-mera, i te waea whakaahua ranei. Ka taea ranei te ta mai te Puka Tono Tiwhikete Whanautanga, Matenga, Marenatanga ranei (.pdf) 28k, ka whakaki, ka tuku mai ai. Me matua noho mai te Adobe Acrobat Reader ki to rorohiko e taea ai e koe te puka nei te panui, te ta ranei. Ara he tauira utu kore o aua pumanawa hei tango mau, kei te pae tukutuku Adobe.

Whakamahia ai nga tiwhikete nei hei whakatutuki i enei tumomo kawenga:
  • Ina tono raihana taraiwa waka te tangata
  • Ina whakaurua te tamaiti/tangata ki te kura
  • Ina tono takuhe te tangata
  • Ina whakatinanatia te tohanga o nga rawa a tetahi tangata ka mate ana ia

Nga Korero Whaiti e Hiahia ana Matou
E taea ai e matou te ata tautuhi te whanautanga, te matenga, te marenatanga ranei koia te aronga o te tiwhikete e hiahia ana koe, me mohio matou ki:
  • Te ingoa o te tangata, o te tokorua ranei e whaia ana e koe
  • Te ra me te wahi i whanau/mate/marena ai taua tangata/tokorua
  • Te ingoa me te wahi noho o te tangata ko ia e tono ana i te tiwhikete
Ara etahi atu taipitopito korero e hangai ana (hei tauira, nga ingoa o nga matua, mehemea e rapu ana koe i tetahi tiwhikete whanautanga) ka awhina i a matou ki te kimi i te tuhinga e tika ana.


Me Pehea te Tono
  • Tuhi atu ki a Whanautanga, Matenga me Marenatanga, ara, ki a Births, Deaths and Marriages ka homai tahi i nga mokamoka ka hiahiatia e matou me tetahi haki (moni Aotearoa), tetahi haki peke ranei (moni Aotearoa), tetahi ota moni a Pohi Aotearoa (New Zealand Post) ranei.
  • Waea whakaahua atu ki a Whanautanga, Matenga me Marenatanga me te homai i nga mokamoka tika tae atu ki nga mokamoka o to kari nama.
  • Waea i te nama kore utu 0800 22 52 52 (mena kei Aotearoa koe), waea ranei i te nama (+64 4) 474 8150 (mena kei tawahi) me te homai i nga mokamoka, mehemea ka utu koe ma tetahi kari nama (ara, ma tetahi o enei anake, Visa, Bankcard, Mastercard ranei).
  • Haere ki te toro i tetahi o o matou tari.

Me Pehea te Utu
Kauaka e tuku moni uka mai ma te poutapeta.

Ki te Kari Taurewa
Ka taea e koe te utu ki te Visa, te Bankcard, te Mastercard ranei. Ki te utua ki te kari taurewa, tena koa homai nga korero e whai ake nei:
  • To ingoa
  • To wahi noho
  • To tau waea
  • Te momo kari
  • Te tatai i runga i te kari
  • Te ra e pau ai te kaha o te kari
  • Te ingoa o te tangata nana te kari
  • Te nui o te moni kia tangohia i to putea taurewa
Ki te Haki, ki te Haki Peke ranei
Me utu ki nga tara o Aotearoa, a, kia tangohia i tetahi putea peke o Aotearoa. Ko te ingoa kia tuhia ki runga i te haki, ko "Te Tari Taiwhenua".

Nga Puka Moni a New Zealand Post
E watea ana i nga 'Post Shop' i Aotearoa. Ko te ingoa kia tuhia ki runga i te haki, ko "Te Tari Taiwhenua".

EFTPOS / Moni Uka
E whakaaetia ana te EFTPOS, te moni uka ranei ki te tae a-tinana mai koe ki tetahi o o matou tari.


Pehea te Roa e Taria Ana te Tiwhikete?
Mo nga whanautanga, nga matenga, me nga marenatanga i rehitatia i mua i te 1 Kohi-tatea 1998
Ka ahua waru (8) ra mahi e mahia ana to tono mai i te ra e tau mai ai ki te Whanautanga, Matenga Marenatanga, Pouaka Poutapeta 10-526, Te Whanga-nui-a-Tara, Aotearoa.

Mo nga whanautanga, nga matenga, me nga marenatanga i rehitatia i te 1 Kohi-tatea 1998, i muri mai ranei
Ka ahua kotahi (1) ra mahi (haunga nga ra ka pau ki nga mahi kawekawe a te poutapeta) e mahia ana to tono mai i te ra e tau mai ai ki te Whanautanga, Matenga Marenatanga, Pouaka Poutapeta 10-526, Te Whanga-nui-a-Tara, Aotearoa.

Kaore e taea te whakaputa tiwhikete kia rehitatia ra ano te ahuatanga i pa.

Kia kore ai e raru to tono, me mahi koe kia tutuki enei ahuatanga:
  • e ata tukuna ana to tono ki te Whanautenga, Matenga Marenatanga, Pouaka Poutapeta 10-526, Te Whanga-nui-a-Tara, Aotearoa
  • kei te tika nga korero katoa kua takoto ki to tono (hei tauira, te ra, kua tuhia nga ingoa kia tika)
  • kua raua mai nga moni utu tika, ara, te NZ$26.00 mo ia tiwhikete
  • mehemea e utua ana ki te kari taurewa, kia tika nga korero katoa e pa ana ki tera
  • kua tuhia mai to wahi noho mo te whakahoki korero ki a koe

Ki te kore matou e kite i te papono, ka aha a muri atu
Kei roto i te utu tiwhikete $26.00 Aotearoa he utu $15.00 Aotearoa mo te rapu noa i te tau o te papono ki tenei taha, ki tera taha ranei o te tau ka whakahuatia e koe. Ka piretia tonutia koe mo te utu rapu noa ahakoa te matou kore kite i te papono. Ki te kore matou e kite i te papono ma tetahi tikanga rapu noa, kua whakapa atu matou ki a koe kia pai ai pea to tohutohu mai i to hiahia mo matou ki te rapu tau i tua atu. Na, ka whakahaerea ana e matou he rapu whanui ke atu, kua utu koe i te $1.00 Aotearoa mo ia tau i tua atu.

Anei he tauira. Ki te whakahuatia e koe te tau 1992, kua whakahaerea e matou he tikanga rapu noa i te papono i roto i nga tau 1991, 1992 me te 1993. Ki te kore te papono e kitea i roto i aua tau, kua whakapa atu matou me te tono mehemea he pai ano ki a koe kia rapu matou i etahi tau i tua atu. $1.00 Aotearoa te utu mo ia tau i tua atu. Ki te whakaae mai koe me te tono kia rapua e matou nga tau 1994, 1995, na, kua piretia te $2.00 Aotearoa ki a koe:
  • Ki te kitea te papono i roto i te tau 1995, e $28.00 Aotearoa te katoa o te utu mo te tiwhikete (ara, te $26.00 Aotearoa tapiri atu te $2.00 Aotearoa);
  • Otira, ki te kore ranei te papono e kitea, ko te $17.00 Aotearoa te katoa o te utu (ara, te $15.00 tapiri atu te $2.00 Aotearoa), a, kaore koe e whiwhi tiwhikete.
Ko te mea nui rawa atu, ko te tino tika o te parongo e homai ana koe i te wa e tono tiwhikete mai ana.

Return to top of page
Links for help with this site

Site map

Search

Help

Contact us

Email us

Govt.nz

Return to top of page

Last updated: 07/04/2005