National Library of New Zealand
Harvested by the National Library of New Zealand on: Apr 25 2004 at 20:53:30 GMT
Search boxes and external links may not function. Having trouble viewing this page? Click here
Close Minimize Help
Wayback Machine
Department of Internal Affairs : Services : Te Huri i Tetahi Ingoa Skip to Access Key assignments for this site
Skip to the content of this page
Skip to other pages in this section
Skip to site wide navigation
Skip to links for help with this site
Logo of the New Zealand Department of Internal Affairs

Home

Services

About us

What's new

Legal

Online forms

Resources

Other pages in this section

Te Rehita Whanautanga, Matenga, Marenatanga

Te Tono Tiwhikete Whanautanga, Matenga, Marenatanga Ranei

Nga Tiwhikete Whanautanga me te Whangai Tamariki

Me Pehea te Tono Raihana Marena

Te Marena ki Tawahi

Te Tu hei Kaiwhakamana Marena

Te Huri i Tetahi Ingoa

Te Toro Whakapapa

Nga Whanautanga, nga Matenga, me nga Marenatanga: He Patai ka Pataihia Nuitia

Me Pehea te Whakapa Mai ki a Matou

Return to top of page Content area

Te Huri i Tetahi Ingoa

Click here for English language version

(Statement on the use of macrons)

E mana ai te huringa o to ingoa, te ingoa ranei o to tamaiti, me rehita taua ingoa ki te Tari Whanautanga, Matenga, Marenatanga. Hei whakatutuki i tenei, me whakatakoto Whakapuakitanga a-Ture koe (he tauaki ka ata hainatia, ka taunakitia ano hoki e tetahi atu) ki tetahi puka. Ka taea te puka te ta mai i raro nei. Whakapa mai ranei ki a matou, ma matou te puka e tuku atu ki a koe.

Ki te whakaaetia te ingoa hou, ka rehitatia e te Tari Whanautanga, Matenga, Marenatanga. Katoa nga tiwhikete whanautanga o Aotearoa ka whakaputaina i muri i te rehitatanga o te ingoa hou, ka whakaatu i te ingoa i te whanautanga, tae atu ki nga huringa ingoa katoa e hangai ana ki taua tangata.


Te Huri i Tou ake Ingoa
Mena kua 18 tau, neke atu to pakeke, kua moe wahine, tane ranei koe i raro i te ture (ahakoa kei te hono tonu korua, kaore ranei), e ahei ana koe ki te tono kia hurihia to ingoa. Heoi ano tau, he whakaki i te puka tono Te Huri i Tetahi Ingoa i Runga i te Whakapuakitanga a-Ture (.pdf) 19k. Me matua noho mai te Adobe Acrobat Reader ki to rorohiko e taea ai tenei puka te ta mai. Ara he tauira utu kore o aua pumanawa hei tango mau, kei te pae tukutuku Adobe.

I te taha tonu o te puka, me tuku mai ko:
  • To tiwhikete whanautanga tuturu, tetahi atu tuhinga whaimana ranei e taunaki ana i to ingoa, te ra me te wahi i whanau ai koe (hei tauira, koto uruwhenua)
  • Te utu e tika ana (NZ$125.00 mehemea i rehitatia to whanautanga ki Aotearoa, NZ$80.00 mehemea i rehitatia ki tawahi.
Mena kua hono a-ture korua ko tetahi atu, ka taea te whakaatu te huringa ingoa ki to rehitatanga marenatanga.

Tena koa whakautua nga patai katoa i te wahanga 'Kua Hono a-Ture' i te puka nei. Ara tetahi utu tapiri NZ$45.00 mo tenei mahi. Ka taea tenei te whakatutuki mo nga marena anake i tu ki Aoteaora.


Te Huri i te Ingoa o Tetahi Tamaiti
I te nuinga o te wa, ko nga kaitiaki anake o te tamaiti e ahei ana ki te tono kia hurihia tana ingoa. Koia era ko ana matua ake, ahakoa kaore pea raua i hono a-ture, kaore ranei e noho tahi ana. Ahakoa kei tetahi anake o nga matua te tamaiti e noho ana, me haina te puka e ana matua e rua. Mehemea kua tohua he kaitiaki ke atu mo taua tamaiti, me haina ano hoki e ratou te whakapuakitanga a-ture.

Ki te kore e taea e tetahi o nga kaitiaki te whakapuakitanga te haina, me whakaatu ki roto tonu i te Whakapuakitanga a-Ture te take i hainatia ai e te kaitiaki kotahi noa iho. Anei etahi take tera pea i pera ai:
  • Kei te ngaro tetahi o nga kaitiaki (me hoatu ano nga whakamarama)
  • Kua mate ia
  • Kaore e mohiotia ko wai ia
  • He mate kino tona, he mate hinengaro ranei e kore ai e taea e ia
Ara etahi atu ahuatanga i tua atu i era i whakaahuatia i runga ake nei e whakaae ai te Koti Whanau kia hurihia te ingoa o te tamaiti e te kaitiaki kotahi. Me whiwhi koe i nga pepa mai i te Koti e tautoko ana i te huringa o te ingoa, ka rau atu i enei pepa ki te taha o te puka tono, te utu, me te tiwhikete whanautanga.

Ki te kore he kaitiaki, ka taea te puka huri ingoa te whakaki e te Kaiwhakahaere Matua o te Tari Awhina i te Tamaiti, te Rangatahi, tae atu ki te Whanau.

Mehemea kaore ano kia 2 nga tau o te tamaiti, a, i whanau mai ia ki Aotearoa
Ka taea e te/nga kaitiaki te huri te ingoa o te tamaiti ma te haina i tetahi reta e tono ana kia perahia, ma te whakaki ranei i te Puka Tono BDM 36 (.pdf) 20k. E NZ$50.00 te utu mo tenei mahi.

Mehemea kei waenga i te 2 tau me te 16 tau te pakeke o te tamaiti, kaore ano ranei kia 2 nga tau engari i whanau mai ki waho o Aotearoa
Me whakaki e te/nga kaitiaki te Puka Tono BDM 122 (.pdf) 20k. NZ$125.00 te utu mo tenei mahi mehemea i rehitatia te whanautanga ki Aotearoa, e NZ$80.00 te utu mehemea i rehitatia ki tawahi.

Mehemea kei waenga i te 16 me te 18 nga tau o te tamaiti, a, kaore ano i honoa a-ture ki tetahi atu
Me whakaae ano te tamaiti nona te ingoa e hurihia ana. Kia tuhia tenei whakaaetanga ki te puka, kia hainatia ano hoki e ia ki tana ingoa hou, a, me te whakaae ano o te/nga kaitiaki. Me whakamahi te Puka Tono BDM 122 (.pdf) 20k. NZ$125.00 te utu mo tenei mahi mehemea i rehitatia te whanautanga ki Aotearoa, e NZ$80.00 te utu mehemea i rehitatia ki tawahi.

He Adobe Acrobat (.pdf) te takoto o nga puka. Me matua noho mai te Adobe Acrobat Reader ki to rorohiko e taea ai te ta. Ara he tauira utu kore o aua pumanawa hei tango mau, kei te pae tukutuku Adobe.

Ki te pa he raruraru i a koe e hopu ana i nga puka hei ta mau, tena koa whakapa mai ki a matou.

I te taha tonu o te puka, me tuku mai ko:
  • Te tiwhikete whanautanga tuturu (kaua he taruatanga) mo te tamaiti nona te ingoa e hurihia ana, tetahi atu tuhinga whaimana ranei e taunaki ana i tana ingoa, te ra me te wahi i whanau ai ia, tae atu ki nga ingoa o ana matua ake
  • Te utu
Te tono tuhinga e whakau ana i te ingoa hou
  • Ka taea te tono kia tukuna he tauira whaimana o te tuhinga whakapuakitanga a-ture ki a koe. E NZ$20.00 te utu.
  • Mehemea i hurihia a-ture to ingoa i mua i te Mahuru 1995, e ahei ana koe ki te tono tauira whaimana o taua tapaenga. E NZ$20.00 te utu o tenei tuhinga.
  • Mehemea i rehitatia to whanautanga ki Aotearoa, ka taia to ingoa hou ki nga tiwhikete whanautanga katoa ka puta i muri i te ra i tutuki ai te huringa o to ingoa. E NZ$26.00 te utu mo te tiwhikete whanautanga.
Ka taea e koe te tono kia tukuna ki a koe enei tuhinga ina tono koe kia hurihia te ingoa. Ka taea ranei te waiho mo raurangi.

Mehemea i honoa a-ture korua ko tetahi atu i Aotearoa, a, kua tono koe kia taia te ingoa hou ki to rehitatanga marenatanga, tera ka hiahia ano koe ki te hoko tiwhikete marena hou. E NZ$26.00 te utu mo te tiwhikete marena.

Return to top of page
Links for help with this site

Site map

Search

Help

Contact us

Email us

Return to top of page

Last updated: 30/08/2003