National Library of New Zealand
Harvested by the National Library of New Zealand on: Apr 25 2004 at 20:53:30 GMT
Search boxes and external links may not function. Having trouble viewing this page? Click here
Close Minimize Help
Wayback Machine
Department of Internal Affairs : Services : Te Raraunga ki Aotearoa a-Whakapapa Skip to Access Key assignments for this site
Skip to the content of this page
Skip to other pages in this section
Skip to site wide navigation
Skip to links for help with this site
Logo of the New Zealand Department of Internal Affairs

Home

Services

About us

What's new

Legal

Online forms

Resources

Other pages in this section

Nga Whakaritenga mo te Raraunga ki Aotearoa

Me Pehea te Tono Raraunga ki Aotearoa

Te Raraunga ki Aotearoa a-Whakapapa

Nga Hui Whakamana Raraunga

Te Raraunga: He Patai ka Pataihia Nuitia

Me Pehea te Whakapa Mai ki a Matou

Return to top of page Content area

Te Raraunga ki Aotearoa a-Whakapapa

Click here for English language version

(Statement on the use of macrons)

Mehemea i whanau koe ki waho o Aotearoa i te 1 Kohi-tatea 1978, i muri ranei i taua ra, a, he kirirarau tetahi o o matua i te wa i whanau ai koe, engari kaua a-whakapapa, tera pea ka kiia koe he kirirarau no Aotearoa a-whakapapa.


He korero atu ano
  • Hei rehita i te raraunga a-whakapapa, te raraunga ranei o te tamaiti i whanau ki tawahi, tirohia nga korero whaiti i raro nei.
  • Mehemea kaore e marenahia ana o matua i a koe i whanau mai ai, tera ka hiahiatia etahi atu korero i te taha. Tena koa tirohia nga parongo e pa ana ki te papa mo te roanga atu o nga korero.
  • Mehemea he kirirarau koe a-whakapapa i whanau mai i mua i te 1978, hei aha te rehita i to raraunga. Heoi ano, tera ka hiahia tono koe i tetahi Tanga Whakau i to Raraunga ki Aotearoa, hei taunakitanga whaimana o tera ahua. Whakapa mai ki a matou mo te roanga atu o nga korero.
  • Mehemea i whangaihia koe i waho o Aotearoa e tetahi tangata he kirirarau ia no Aotearoa engari kaua a-whakapapa, tera tonu ka whakaaetia to raraunga ki Aotearoa a-whakapapa. Engari me eke ano te ahua o te whangaitanga ki etahi paearu kua whakaritea. Tena whakapa mai ki a matou mo te roanga atu o nga korero.
Te whakamarama i te korero he kirirarau no Aotearoa engari 'kaua a-whakapapa'
Ko te tikanga, he kirirarau no Aotearoa te tangata otira 'kaua a-whakapapa' mehemea i whanau mai ia ki Aotearoa, mehemea ranei:
  • he mea whangai ia ki Aotearoa, e tetahi tangata o Aotearoa
  • i ata whakawhiwhia ki a ia te raraunga o Aotearoa
  • i whanau ia ki waho o Aotearoa i te 1 Kohi-tatea 1978, i muri mai ranei i taua ra, a, he kirirarau tetahi o ana matua e mahi ana ma Aotearoa i tawahi
  • he kirirarau ia no Ingarangi:
    - i noho maori mai ki Aotearoa mo te katoa o te tau 1948
    - i riro hei kirirarau o Aotearoa i mua i te 1949
    - ko te papa i whanau ki Aotearoa, i riro ranei hei kirirarau o Aotearoa i mua i te 1 Kohi-tatea 1949
    - i whanau ki Hamoa i mua i te 1949
    - i marenahia ki tetahi tangata i aunoa tana noho hei kirirarau o Aotearoa i te 1 Kohi-tatea 1949.

Ki te kore koe e mohio mehemea he kirirarau no Aotearoa koe, o matua ranei, otira kaua a-whakapapa, ki te hiahia ranei koe ki te roanga atu o nga korero mo te noho kirirarau otira kaua a-whakapapa, tena whakapa mai ki a matou.


Te Whakatuturu ko wai te Papa mo nga Whainga Raraunga ki Aotearoa

Ko 'te whakatuturu ko wai te papa', he korero ture mo te whakatau ko wai te papa tuturu o tetahi tamaiti i raro i nga ture o Aotearoa.

Mehemea e ki ana koe he kirirarau koe no Aotearoa a-whakapapa i te taha o to whaea, hei aha te whakatuturu ko wai te papa. Heoi ano, ki te kore e ata whakaaetia ko wai te papa, kaore e tapiria te ingoa o to papa ki nga mauranga mou.

Mehemea e ki ana koe he kirirarau koe no Aotearoa a-whakapapa i te taha o to papa, a kati, me mohio rawa matou ko wai to papa tuturu. I te nuinga o te wa, ko to papa te tangata e whakaarohia ana ko ia te hoa rangatira o to whaea i te wa i whanau ai koe.

Mehemea i whanau koe ki Ahitereiria, ki Whiti, ki Ingarangi Nui Tonu ranei, a, kaore o matua e marenahia ana i te wa i whanau ai koe, ka tirohia ko wai to papa i to tiwhikete whanautanga. Mehemea kaore i whakaingoatia to papa i runga i to tiwhikete whanautanga, mehemea ranei i whanau koe ki whenua ke, me whakaki o matua i etahi tanga whakapuaki ko wai te papa, ma reira e mohiotia ai.

Ka taea te tono taruatanga o nga puka whakapuaki ko wai te papa, heoi ano tau, he:
Ki konei hopukina ai te Whakapuakitanga e hangai ana (.pdf). Me matua noho mai te Adobe Acrobat Reader ki to rorohiko e taea ai te ta. Ara he tauira utu kore o aua pumanawa hei tango mau, kei te pae tukutuku Adobe: Me tuku mai ano i te taha:
  • nga uruwhenua o o matua e rua
  • he puka Taunaki Tuakiri
  • etahi whakaahua e rua kua hainatia e te tangata nana ano i whakaoti te puka taunaki tuakiri

Te rehita i te raraunga a-whakapapa, te raraunga ranei o te tamaiti i whanau mai ki tawahi
E rima nga takahanga:
  • he hopu i tetahi tauira .pdf (25k) ki to rorohiko. Me matua noho mai te Adobe Acrobat Reader ki to rorohiko e taea ai te ta. Ara he tauira utu kore o aua pumanawa hei tango mau, kei te pae tukutuku Adobe, ko tenei ranei
  • he toro i te Whare o te Mangai o te Kawanatanga o Aotearoa e patata ana ki a koe, ko tenei ranei
  • he whakapa mai ki a matou ma te i-mera, te waea, te waea whakaahua ranei, he toro ranei i tetahi o o matou tari.
He tuku mai i nga tuhinga e hiahiatia ana: (tirohia te puka mo te roanga atu o nga korero)
  • te tiwhikete whanautanga (o te tangata e rehitatia ana) e mau ana nga ingoa o nga matua ki runga
  • te tiwhikete whanautanga (o te papa/whaea ko ia te kirirarau o Aotearoa) e mau ana nga ingoa o nga matua ki runga
  • te/nga tiwhikete marenatanga (mehemea e hangai ana)
  • te/nga tanga whakakore marena (mehemea e hangai ana)
  • te/nga tanga huri ingoa (mehemea e hangai ana, hei tauira, te whakapuakitanga a-ture e huri ana i te ingoa, nga tanga whangai tamariki ranei)
  • he korero e taunaki ana he kirirarau no Aotearoa to papa/whaea i a koe i whanau mai ai (hei tauira, tana tiwhikete whanautanga, tana tiwhikete raraunga o Aotearoa ranei)
  • he puka taunaki tuakiri (kia rua ano nga whakaahua e rite ana ki era mo te uruwhenua)
Te utu i nga moni utu mo te tono:
Te rehita i te raraunga a-whakapapa - NZ$200.00

Nga huarahi utu:
  • Te Kari Taurewa - Ka taea te whakamahi te Visa, te Bankcard, te Mastercard ranei. Kaore he wahanga mo te utu a-kari taurewa i etahi o a matou puka tono. Mehemea he pera te ahua o tau na puka tono, tena hopukina he puka utu a-kari taurewa ki to rorohiko, ka tuku mai i te taha o to tono.
  • Ki te Haki Whaiaro - Me utu nga haki whaiaro ki nga tara o Aotearoa, a, kia tangohia i tetahi putea peke o Aotearoa. Ko te ingoa kia tuhia ki runga i te haki, ko 'Te Tari Taiwhenua/Department of Internal Affairs'.
  • Ki te Haki Peke - Me utu nga haki peke ki nga tara o Aotearoa, a, kia tangohia i tetahi putea peke o Aotearoa. Ko te ingoa kia tuhia ki runga i te haki, ko 'Te Tari Taiwhenua/Department of Internal Affairs'.
  • EFTPOS / Moni Uka - E whakaaetia ana te EFTPOS, te moni uka ranei ki te tae a-tinana mai koe ki tetahi o o matou tari.
Kauaka e tuku moni uka mai ma te poutapeta.

I te mea ka rereke te utu me te tikanga utu i nga tari i tawahi, tena whakapa atu ki te Whare o te Mangai o te Kawanatanga o Aotearoa e tika ana.

Mehemea e tono ana koe mai i waho o Aotearoa, a, e hiahia ana koe kia whakahokia atu o tuhinga ma te karere, tena whakapa mai ki a matou, kia mohio ai koe ki nga utu o enei wa.

He patai ano au? Tena whakapa mai ki a matou.

He tuku mai i to tono ki tetahi o o matou tari:

Mehemea he patai a koutou e pa ana ki te raraunga a-whakapapa, ki te whakaunga raraunga ranei, tena whakapa mai ki a matou ma runga i te:

staykiwi@dia.govt.nz
Waea Utukore 0800 22 51 51 (i Aotearoa anake)
64 4 474-8123 (mai i tawahi)

Pouaka Poutapeta 10-526
47 Ara o Boulcott
Te Whanga-nui-a-Tara
Waea whakaahua + 64 4 474-8006

Return to top of page
Links for help with this site

Site map

Search

Help

Contact us

Email us

Return to top of page

Last updated: 27/02/2004