|
|
Close Minimize Help |
|
|
|
Close Minimize Help |
 |
 |
|
|
|
|
 |
|||||
|
|||||
 |
|
 |
|||
|
|||||
|
|
|
|
|
|
|
Nga Whakaritenga: Mo Roto o Aotearoa Nga Whakaritenga: Ki Waho o Aotearoa Nga Uruwhenua ma te Hunga Tamariki Te whai kia kaua e kahakina he tamaiti ki tawahi Me Pehea te Whakapa Mai ki a Matou He panui whai take tonu ki te hunga pupuri uruwhenua o Aotearoa |
|
|
Te whai kia kaua e kahakina he tamaiti ki tawahi
Mehemea e kahakina ana, e puritia ana ranei tetahi tamaiti ki waho o Aotearoa ahakoa kaore e whakaaetia ana, a, e whai panga ana koe ki tenei tuahua, me kimi roia koe mou ka tika. Kua taia ano hoki nga korero kei enei wharangi nei ki tetahi matarere. Mo te roanga atu o nga korero, hei tono ranei i te matarere, waeahia atu tetahi o nga tau waea i raro nei. Kua wehea nga korero nei kia rua nga wahanga:
Nga whakahau a te Koti e arai ana i te kahakitanga tamariki ki waho o Aotearoa Kei te maharahara au kei kahakina taku tamaiti ki tawahi ahakoa kaore au e whakaae - me aha au? Mehemea e awangawanga ana koe tera ka kahakina to tamaiti ki waho o Aotearoa i runga i te whai kia kaua koe e ahei ki te kite, ki te tiaki ranei i a ia, ka taea e koe te tono te Koti Whanau kia whakatakoto whakahau e kore ai te tamaiti e puta atu i Aotearoa. Ka kiia tenei he "Whakahau Arai Kahakitanga". Ka uaua ano te tiki whakahau arai kahakitanga? Kaore e uaua, mehemea e whakapono tuturu ana koe tera ka kahakina to tamaiti ki tawahi me to kore e whakaae, te kore ranei e whakaae o te Koti. Me whakatakoto to tono kia puta he whakahau arai kahakitanga ki te aroaro o te Koti Whanau. Me whakaatu atu ki te Koti he aha koe i whakapono ai ka kahakina to tamaiti; hei tauira, i te mea kua ki ake tetahi o ana matua kei te haria te tamaiti i a ia ka haere ki tawahi noho ai. Me pehea au e whiwhi ai i te whakahau arai kahakitanga? Kia tere tonu to toro i tetahi roia. Tera pea kua whai roia ke koe. Ki te kore, uia tetahi hoa, te Putahi Ture a-Hapori, te Pokapu Whakahoki Patai mai i te Iwi Whanui ranei, ma ratou koe e awhina ki te kimi roia mou. He pai ake tetahi roia e matau ana ki nga ture e pa ana ki te whanau. Kaua e wareware ki te patai mo nga utu i mua i te whakarite i tetahi roia mou, i te mea ka rereke nga utu a tena, a tena. Tera pea ka ahei koe ki nga awhina taha ture. Ina pera, e $50 noa iho te utu ka utua e koe ki te roia i te timatanga - ma te awhina taha ture e pikau tera atu wahanga o te nama. Heoi ano, ko te tikanga inaianei, he wa pea e taka kia whakahoki i taua putea awhina taha ture. Uia to roia, te Putahi Ture a-Hapori, te Pokapu Whakahoki Patai mai i te Iwi Whanui ranei mo tenei mea te awhina taha ture. Pehea te roa e tatari ai au kia puta te whakahau a te Koti? Mo te nuinga, ka rua ra, ka toru ra ranei - ra mahi nei. Mehemea e whawhaitia ana, ka tomua tonu te aro a te Koti Whanau ki enei momo tono. Mehemea he mate whawhati tata, ka puta te whakahau i roto i etahi haora noa iho. Me whakaatu atu ki to roia e hia nga ra e toe ana i mua i te wa tera e kahakina to tamaiti ki waho o Aotearoa. Mana e whakapa atu ki te Koti Whanau patata, ka tono kia whakaritea he wa e whakawangia ai e te Koti to take i runga i te ohorere. Me pehea au e awhinatia ai e te Koti? Ka taea e te Koti te whakatakoto whakahau e mea ana:
Ehara i te mea ma te whakahau noa a te Koti e mea ana kia kaua te tamaiti e kawea ki waho o Aotearoa, e kore ai to tamaiti e kahakina ki tawahi. Ahakoa he takahi tonu ta te tangata nana tera mahi i te kupu a te Koti, tera tonu pea ka tutuki i a ia. Mehemea kua takoto he whakahau e mea ana kia noho tonu to tamaiti ki Aotearoa, tera ka whakaurua nga korero mona ki te punaha rorohiko a te Ratonga Arai mo nga pahihi. Ma konei e taea ai e nga apiha arai te haukoti te rere a to tamaiti ki tawahi i te taunga rererangi ina whakaurua nga korero mona ki te rorohiko. He mea nui tenei mehemea kua whai raraunga to tamaiti i whenua ke, i te mea kaore e taea e nga Koti o Aotearoa te whakakore i te tuku uruwhenua a etahi atu whenua ki a ia. Ka riro ma to roia rawa e tono kia whakaurua he whakapuoho ki te punaha rorohiko a te Ratonga Arai - kaore e whakaurua aunoatia e te Koti. Ki te riro i a au tetahi o nga whakahau nei, ka ahei tonu au ki te kawe i taku tamaiti ki tawahi hararei ai, noho ai ranei? Kaore. I runga i taua whakahau, kaore tetahi TANGATA KOTAHI NEI e ahei ki te hari i to tamaiti ki tawahi, tae atu ano hoki ki a koe. Ki te hiahia hari koe i to tamaiti ki tawahi, me tono koe i te Koti kia whakarereke, kia whakakore ranei i tera o ana whakahau. Ki te tono au i te Koti kia tapae whakahau e arai ana i te kahakitanga o taku tamaiti, ka taea ano e tetahi tangata taku tono te whakahe? Ae. E rua nga huarahi e tapaea ai tetahi whakahau:
Kaore. Tera ka rukahu tetahi kua ngaro tana uruwhenua, ka tahuri ki te tono uruwhenua hou. Mehemea e rua, nui ake ranei ana whenua raraunga, tera ka ahei ia ki te whiwhi uruwhenua mai i whenua ke. Kia mohio noa mai koe ka hoatu he uruwhenua ki tetahi tamaiti i Aotearoa mehemea ko tetahi anake o ana matua kei te whakaae. Te whakahoki mai i te tamaiti i kahakina ki waho o Aotearoa I runga i tetahi whakaaetanga ture o te ao e kiia ana ko te Hague Convention on Civil Aspects of Child Abduction (ka kiia a muri ake nei ko te 'Tikanga o te Hague') tera ka ahei koe ki te inoi i nga mana whakahaere o te whenua kei reira to tamaiti e noho ana kia whakahoki mai i a ia ki Aotearoa. A, tera ano pea ka hamenetia te tangata nana to tamaiti i kahaki mo tenei mahi he ana. Koinei nga matapono matamua o te tikanga nei:
Ka taea te whakawhirinaki atu ki te Tikanga o te Hague hei tono kia whakahokia te tamaiti ki Aotearoa mehemea:
A, mehemea ehara ko koe e tiaki ana i to tamaiti i te nuinga o te wa, tera pea ka ahei tonu koe i raro i te Tikanga o te Hague ki te tono kia whakahokia mai to tamaiti ki Aotearoa nei mehemea:
Mehemea ae, tera koe ka ahei ki te tono kia whakahokia mai to tamaiti ki Aotearoa (ma nga mana kawanatanga). Me whakatakoto te tono ki nga Koti i te whenua kei reira to tamaiti. I etahi wa kaore te tangata nana i kahaki te tamaiti e whakaae kia whakahokia to tamaiti ki Aotearoa. Ina pera, ka whiriwhiri ano te Koti i nga take i pera ai tana whakaaro. Ki te hiahia koe kia whakahokia to tamaiti, me whai koe kia perahia i te wa tonu ka mohio koe kua kahakina ia, e puritia ana ranei ki tawahi. Ki te tomuri koe, tera ka whakaaro te Koti kaore i pera rawa to anipa mo te rironga atu o to tamaiti ki tawahi. Me whakapa atu au ki a wai? Ki te hiahia tono koe kia whakahokia to tamaiti ki Aotearoa, me whakapa atu koe ki tetahi roia i Aotearoa, ki te Mana Pokapu ranei. Ma ratou e whakaki nga puka e tika ana. Ka tukuna atu nga puka i te tari o te Mana Pokapu i Aotearoa ki te Mana Pokapu i te whenua kei reira to tamaiti e noho ana. Nga whenua kaore e hapai ana i te Tikanga o te Hague Mehemea kua haria to tamaiti ki tetahi whenua kaore e hapai ana i te Tikanga o te Hague, tera tonu koe ka ahei ki te tono kia whakahokia ia ki Aotearoa. Engari he rereke nga ture e hangai ana, a, e kore pea koe e ahei ki nga awhina taha putea. Korero ki tetahi roia e tohunga ana ki tenei tuahua ki te pa tenei raruraru ki a koe. Me Whakapa Koe ki te: Central Authority Hague Convention Advisor Department for Courts Pouaka Motuhake 2750 Te Whanga-nui-a-Tara Waea: (04) 918-8800 Waea whakaahua: (04) 918-8820 I-mera: enquiries@courts.govt.nz Te Tari Uruwhenua Te Tari Taiwhenua Pouaka Poutapeta 10526 Te Whanga-nui-a-Tara Waea Utukore 0800 22 50 50 I-mera: passports@dia.govt.nz |
|
|
|
|
||||
|
|
|
|||||
|
|
|
|
||||
|
|
|||||||
|
|
Last updated: 20/02/2003 |
||||||