National Library of New Zealand
Harvested by the National Library of New Zealand on: Apr 25 2004 at 20:53:30 GMT
Search boxes and external links may not function. Having trouble viewing this page? Click here
Close Minimize Help
Wayback Machine
Department of Internal Affairs : Services : Te Toro Whakapapa Skip to Access Key assignments for this site
Skip to the content of this page
Skip to other pages in this section
Skip to site wide navigation
Skip to links for help with this site
Logo of the New Zealand Department of Internal Affairs

Home

Services

About us

What's new

Legal

Online forms

Resources

Other pages in this section

Te Rehita Whanautanga, Matenga, Marenatanga

Te Tono Tiwhikete Whanautanga, Matenga, Marenatanga Ranei

Nga Tiwhikete Whanautanga me te Whangai Tamariki

Me Pehea te Tono Raihana Marena

Te Marena ki Tawahi

Te Tu hei Kaiwhakamana Marena

Te Huri i Tetahi Ingoa

Te Toro Whakapapa

Nga Whanautanga, nga Matenga, me nga Marenatanga: He Patai ka Pataihia Nuitia

Me Pehea te Whakapa Mai ki a Matou

Return to top of page Content area

Te Toro Whakapapa

Click here for English language version

(Statement on the use of macrons)

Ka taea e koe te whakamahi nga mauranga e puritia ana e te Whare Rehita Whanautanga, Matenga, Marenatanga hei rangahau whakapapa. Kei konei nga parongo mo nga mauranga katoa e pa ana ki nga whanautanga, nga matenga me nga marenatanga kua tu ki Aotearoa mai i te tau 1848.

E kuhuna ana nga parongo nei ki te rorohiko, engari kaore ano i oti mai, e taea ai aua korero te toro i te ipurangi.

Anei nga huarahi e watea ana ki a koe i tenei wa e taea ai e koe te tirotiro, te tono kape ranei o nga parongo kua rehitatia.


Te Kimi i nga Mauranga
Ki te hiahia tono koe i a matou kia kimi i nga mauranga e pa ana ki te whanautanga, te matenga, te marenatanga ranei o tetahi tangata, me mohio koe ki enei ahuatanga e whai ake nei:
  • te ingoa o te tangata mona nga parongo e kimi ana koe (me homai te katoa o tana ingoa mehemea ka taea)
  • te ahuatanga i pa (ara, ko te whanautanga, te matenga, te marenatanga ranei)
  • te ra, te tau, nga tau ranei ki reira rapua ai taua ahuatanga
  • te wahi i pa ai taua ahuatanga (mehemea e mohiotia ana)
  • etahi atu parongo kei a koe tera ka awhina i a matou ki te tautuhi i te mauranga tika (hei tauira, ko nga ingoa o nga matua)
Mo te utu arowhanui, ka rapua te ahuatanga e kimi ana koe mai i te kotahi tau i mua ki te kotahi tau i muri i te tau ka ata tohua e koe. Ki te kore koe e ata mohio ki te tau i whanau ai, i mate ai, i marena ai ranei te tangata e hahau ana koe, ka taea e koe te tono kia tirohia nga tau maha ake. Ki te tono koe kia whanui ake te kimihanga, NZ$15.00 te utu mo nga tau tuatahi e toru, a, NZ$1.00 te utu tapiri mo ia tau ka tapiria ki tera.

He wharangi mokito (ara, he 'microfiche') kei o matou tari i Tamaki-makau-rau me Te Whanga-nui-a-Tara hei ata wherawhera ma te hunga ka hiahia tiro haere i a matou rarangi whanautanga, matenga, marenatanga. E watea ana i nga wa katoa - hei aha te whakarite wa motuhake nei. Ara ano etahi whare pukapuka me etahi atu whakahaere kei a ratou he tauira o enei rarangi.

Ki te whaihua te kimihanga, tera koe ka hiahia hoko i tetahi tiwhikete (e NZ$26.00), i tetahi tanga a-rorohiko ranei (akene pea he nui ake nga parongo i te tanga a-rorohiko, tena i te tiwhikete). E NZ$26.00 ano te utu o tenei mehemea i whanau mai te tangata i waenga i te tau 1848 me te 1874, a, mehemea no muri mai i tera tana whanautanga, e NZ$20.00 te utu. Ka tapiria te utu o te tiwhikete, o te tanga a-rorohiko ranei ki te utu mo te kimihanga.


Nga Tanga A-Hiko o nga Rehitatanga o Mua
E watea ana i o matou tari i Tamaki-makau-rau me Te Whanga-nui-a-Tara etahi tanga a-hiko o nga mauranga rehitatanga mo nga tau e whai ake nei:
  • Nga Whanautanga 1848 - 1997
  • Nga Matenga 1848 - 1997
  • Nga Marenatanga 1854 - 1997
Ka taea te whakaputa tanga a-hiko o nga tuhinga hei tirotiro mai i te tau 1998.

He tono mo tetahi Tanga A-Hiko o te Tuhinga Whanautanga, Matenga, Marenatanga ranei BDM 92 (49k). He Adobe Acrobat (.pdf) te takoto o nga puka. Me matua noho mai te Adobe Acrobat Reader ki to rorohiko e taea ai te ta. Ara he tauira utu kore o aua pumanawa hei tango mau, kei te pae tukutuku Adobe. Kei te Tari Whanautanga, Matenga, Marenatanga etahi tauira pepa o nga puka nei.

Ki te homai te tau tika, e NZ$26.00 1848-1874, NZ$20.00 pou 1874 te utu mo ia tono. Me utu he moni atu ano ki te whanui ake te kimihanga.


Te Hoko i nga Rarangi Ingoa
Hangaia ai nga rarangi o nga whanautanga, nga matenga me nga marenatanga ia tau, a, ka watea enei he uta ki runga i nga wharangi mokito, ki nga kopae iti, ka taia ranei hei hoko ma te hunga tumatanui. He maha nga whare pukapuka me nga whakahaere toro whakapapa puta noa i Aotearoa me tawahi kua whiwhi i a ratou ake tauira o enei rarangi. Ko te utu o enei rarangi, kei te ahua tonu o te mea e hokona ana. Tena whakapa mai ki a matou ki te hiahia koe ki te rarangi utu.

Kei a matou ano etahi rarangi e pa ana ki te iwi Maori. Mai i te tau 1911 ki te tau 1961, i puritia he rarangi Maori motuhake. Kua raua atu nga rarangi o nga Maori i rehitatia to ratou whanautanga, matenga, marenatanga ranei i nga tau 1911-1961 ki te wharangi mokito, a, e taea ana enei te hoko, NZ$150.00 te utu.


He Korero Atu Ano
Mo etahi atu korero, tirohia, hopukina, taia ranei te tuhinga Family Record Research: a guide to tracing your family history (112k).
He Adobe Acrobat (.pdf) te takoto o te konae nei. Me matua noho mai te Adobe Acrobat Reader ki to rorohiko e taea ai te ta. Ara he tauira utu kore o aua pumanawa hei tango mau, kei te pae tukutuku Adobe.

Return to top of page
Links for help with this site

Site map

Search

Help

Contact us

Email us

Return to top of page

Last updated: 28/10/2003