National Library of New Zealand
Harvested by the National Library of New Zealand on: Apr 25 2004 at 20:53:30 GMT
Search boxes and external links may not function. Having trouble viewing this page? Click here
Close Minimize Help
Wayback Machine
Department of Internal Affairs : Services : Te Rehita Whanautanga, Matenga, Marenatanga Skip to Access Key assignments for this site
Skip to the content of this page
Skip to other pages in this section
Skip to site wide navigation
Skip to links for help with this site
Logo of the New Zealand Department of Internal Affairs

Home

Services

About us

What's new

Legal

Online forms

Resources

Other pages in this section

Te Rehita Whanautanga, Matenga, Marenatanga

Te Tono Tiwhikete Whanautanga, Matenga, Marenatanga Ranei

Nga Tiwhikete Whanautanga me te Whangai Tamariki

Me Pehea te Tono Raihana Marena

Te Marena ki Tawahi

Te Tu hei Kaiwhakamana Marena

Te Huri i Tetahi Ingoa

Te Toro Whakapapa

Nga Whanautanga, nga Matenga, me nga Marenatanga: He Patai ka Pataihia Nuitia

Me Pehea te Whakapa Mai ki a Matou

Return to top of page Content area

Te Rehita Whanautanga, Matenga, Marenatanga

Click here for English language version

(Statement on the use of macrons)

Ko ta te Kairehita o nga Whanautanga, nga Matenga me nga Marenatanga, he rehita, he pupuri ano hoki ki tetahi tauira a-motu o nga whanautanga, nga matenga, me nga marenatanga katoa kua tu ki Aotearoa.


Te Rehita Whanautanga
E ai ki te ture, me rehita nga whanautanga katoa i te wa tino tata ka taea, haunga ano nga mangai mo kawanatanga ke kei Aotearoa nei, me era atu kaimahi i nga whare mangai kawanatanga - kaore hoki ratou e taka ki raro i tenei ture. Koia te takahanga whaimana tuatahi e whakau ana i te tu a to tamaiti hei kirirarau o Aotearoa. Ina rehitatia, kua takoto he tiwhikete whanautanga e whakamana ana i te whanautanga. Kaore he utu mo te rehita whanautanga.

Me Pehea te Rehita
Ko te tikanga, ka hoatu ki nga matua i muri tonu mai i te whanautanga he puka 'Whakamohio Whanautanga kia Rehitatia'. Mehemea kaore koe i whiwhi puka penei i nga wiki e rua, e toru i muri i te whanautanga mai o to tamaiti, mehemea ranei ka uaua ki a koe te whakaki i te puka, tena whakapa mai ki a matou.

Ina oti i a koe te puka te whakaki, tena whakahokia mai ki:

Te Tari Whanautanga. Matenga, Marenatanga
Pouaka Poutapeta 31203
Te Awakairangi
Aotearoa

Nga Tiwhikete Whanautanga
Ki te hiahia koe ki tetahi tiwhikete whanautanga mo to tamaiti, ka taea e koe te tono tetahi ina tuku mai koe i te puka rehitatanga, i tetahi wa ranei i muri mai i tera. Ki te hiahia tono koe i te tiwhikete ina rehitatia te pepe, tena koa whakakiia te wahanga tono o te puka rehita, me te tapiri ano i te NZ$26.00 hei utu i te tiwhikete.

Tirohia te Tono Tiwhikete Whanautanga, Matenga, Marenatanga mo nga whakamarama e pa ana ki te tono tiwhikete i muri mai i te rehitatanga.


Te Rehita Matenga
E whakahau ana te ture kia rehitatia nga matenga katoa i Aotearoa i roto i te toru ra mahi i muri i te nehunga, i te tukunga ranei o te tupapaku kia pau i te ahi. Kaore he utu mo te rehita matenga.

Mehemea kua tonoa he kaiwhakataki tangihanga hei whakariterite i te tangihanga, mana e kohi nga parongo katoa e hiahiatia ana hei rehita i te matenga, mana ano aua parongo e tuku mai ki te Tari Whanautanga, Matenga, Marenatanga.

Ki te kore he kaiwhakataki tangihanga, ma te tangata kua whakaae noa mana e whakarite nga ahuatanga katoa e pa ana ki te tangihanga e whakamohio atu te Tari Whanautanga, Matenga, Marenatanga kua mate he tangata.

Me Pehea te Rehita
I roto i te toru ra i muri i te tukunga o te tupapaku ki te kopu o te whenua, ki te ahi ranei, e rua nga puka me matua tuku mai ki a matou. Koia enei:
  • he puka Whakamohio Matenga kia Rehitatia (BDM 28). Ki tenei puka nga korero whaiaro mo te tangata kua mate.
  • he Tiwhikete Hauora, he puka Putakenga Mate ranei mai i te takuta, he whakahau ranei mai i te kaitirotiro matewhawhati.
Ka taea e koe te whakapa mai, i te Waea Utukore 0800 22 52 52, hei tono kia tukuna atu te puka (BDM 28) ki a koe.

Me tuku mai nga puka nei ki:

Te Tari Whanautanga, Matenga, Marenatanga
Pouaka Poutapeta 31203
Te Awakairangi
Aotearoa

Tiwhikete Matenga
Ka taea e te tangata ko ia e whakarite ana i te tangihanga te tono Tiwhikete Matenga i a ia ka tuku mai i te Puka Rehita Matenga. Heoi ano tana, he whakaki i te wahanga tono o te puka, ka tapiri mai i te NZ$26.00 hei utu i te tiwhikete.

Kia rehitatia te matenga, hei reira taea ai te tiwhikete matenga te tuku. Tirohia te Tono Tiwhikete Whanautanga, Matenga, Marenatanga.


Te Rehita Marenatanga
I muri mai i te marenatanga, ma to kaiwhakamana marena e tuku mai nga pepa katoa e hangai ana ki te Tari Whanautanga, Matenga, Marenatanga e rehitatia ai to korua hononga. Kaore korua e mate ki te whakapa mai ki a matou.

Te Puka Korero Whaiti mo te Hononga me te Tiwhikete Marena
I te marena, ka hainatia e korua etahi tauira e rua o tetahi puka e kiia ana ko nga 'Korero Whaiti mo te Hononga', ara, nga 'Particulars of Marriage'. Ko tetahi tauira ka whakahokia e te kaiwhakamana marena ki te Kairehita nana i tuku te raihana marena, kia rehitatia ai te hononga. Ka hoatu tera atu tauira ki a korua hei tohu whakamahara mo te marenatanga.

Nga Tiwhikete Marena
I muri mai i te marena, tera ka hiahia tuhinga korua e whakau ana i nga ahuatanga whaiti o te hononga me tona mana i raro i te ture. Ka taea ta korua tauira o nga 'Korero Whaiti mo te Hononga' te whakamahi penei. Otira, i te mea he tohu whakamahara tera o te ra i tu ai te marena, me te mau mai ano o nga waitohu o te tane me te wahine i honoa, he maha nga tokorua ka hiahia hoko tiwhikete marena mai i te Tari Whanautanga, Matenga, Marenatanga hei whakaea i era momo kawenga whanui.

Mo te roanga atu o nga korero, haere ki te peka Me Pehea te Tiki Raihana Marena.

Return to top of page
Links for help with this site

Site map

Search

Help

Contact us

Email us

Return to top of page

Last updated: 13/11/2003