National Library of New Zealand
Harvested by the National Library of New Zealand on: Apr 25 2004 at 20:53:30 GMT
Search boxes and external links may not function. Having trouble viewing this page? Click here
Close Minimize Help
Wayback Machine
Department of Internal Affairs : Services : Te Marena ki Tawahi Skip to Access Key assignments for this site
Skip to the content of this page
Skip to other pages in this section
Skip to site wide navigation
Skip to links for help with this site
Logo of the New Zealand Department of Internal Affairs

Home

Services

About us

What's new

Legal

Online forms

Resources

Other pages in this section

Te Rehita Whanautanga, Matenga, Marenatanga

Te Tono Tiwhikete Whanautanga, Matenga, Marenatanga Ranei

Nga Tiwhikete Whanautanga me te Whangai Tamariki

Me Pehea te Tono Raihana Marena

Te Marena ki Tawahi

Te Tu hei Kaiwhakamana Marena

Te Huri i Tetahi Ingoa

Te Toro Whakapapa

Nga Whanautanga, nga Matenga, me nga Marenatanga: He Patai ka Pataihia Nuitia

Me Pehea te Whakapa Mai ki a Matou

Return to top of page Content area

Te Marena ki Tawahi

Click here for English language version

(Statement on the use of macrons)


Mehemea e marenahia ana koe ki tawahi, me matua whakapa atu koe ki te tari whakamana marena o te whenua ki reira tu ai te marena, kia mohio ai koe ki nga ture me era atu whakaritenga e pa ana ki te marena i reira.

He maha nga whenua ka hiahia ki tetahi tuhinga e whakatuturu ana i to ahei ki te marena i raro i te ture. Ko te Tari Whanautanga, Matenga, Marenatanga e whakaputa ana i te tuhinga nei, e kIia ana he Tiwhikete Whakaatu Kaore he Ahuatanga hei Aukati i te Marenatanga, he Tiwhikete Kimi ranei (tirohia a raro nei).

Ki te marena koe ki tawahi, i te nuinga o te wa ka whai mana ano taua marenatanga i Aotearoa. Heoi ano, ara etahi tikanga motuhake e pa ana ki te rehita marena i tu ki tawahi ki Aotearoa.

Mehemea kei Aotearoa koe, me whakapa mai koe ki te Tari Whanautanga, Matenga, Marenatanga, waea utukore 0800 22 52 52 (i Aotearoa anake).

Ma ratou koe:
  • e arahi mo te wahi ki nga whakaritenga me nga utu mo te Tiwhikete Whakaatu Kaore he Ahuatanga Aukati, te Tiwhikete Kimi ranei.
  • e tuku nga puka tono mo te Tiwhikete Whakaatu Kaore he Ahuatanga Aukati, te Tiwhikete Kimi ranei.
  • e whakamarama me pehea te rehita i te marena i tu ki tawahi ki Aotearoa.
Mehemea kei tawahi koe, me whakapa atu koe ki te whare o te mangai o te kawanatanga o Aotearoa e patata ana ki te wahi e tu ai te marena. Pawhiria a konei mo te rarangi o nga whare mangai kawanatanga nei (he mea whakatakoto na te Manatu Aorere). Ma ratou koe:
  • e arahi mo te wahi ki nga whakaritenga me nga utu
  • e tohu atu nga tari whakamana marenatanga e taea ai e koe nga tikanga e pa ana ki te marena te tirotiro
  • e tuku atu nga puka tono
  • e tu hei kaitaunaki mo te marenatanga

Te Tono Tiwhikete Whakaatu Kaore he Ahuatanga Aukati
Ara etahi whenua i tawahi ka matua hiahia ki tetahi Tiwhikete Whakaatu Kaore he Ahuatanga Aukati i mua i to ratou whakaae kia marenahia koe. Ko ta te tiwhikete nei, he whakaatu kaore koe e marenahia ana a-ture nei i to whenua raraunga, to whenua noho pümau ranei.

E whiwhi ai koe i tetahi Tiwhikete Whakaatu Kaore he Ahuatanga Aukati, me whakakI e koe te Puka Whakaatu i te Takune kia Marenahia - mo te Kirirarau o Aotearoa kei Whenua Ke. Pawhiria a konei hei hopu i te puka nei, he Adobe Acrobat (.pdf) te takoto. Me matua noho mai te Adobe Acrobat Reader ki to rorohiko e taea ai tenei puka te ta mai. Ara he tauira utu kore o aua pümanawa hei tango mau, kei te pae tukutuku Adobe.

Whakapa mai ranei ki a matou, ma matou tetahi tauira o te puka e tuku atu ki a koe.

Ara ano etahi whenua me matua whakatuturu te mangai o taua whenua ki Aotearoa i te Tiwhikete Whakaatu Kaore he Ahuatanga Aukati i mua i te tukunga atu o te tiwhikete ki a koe. Ara he utu motuhake mo tenei ratonga, i tua atu i te utu mo te tiwhikete ake. Tena whakapa mai ki te Whare Pokapu mo nga Whanautanga, nga Matenga me nga Marenatanga, ki te Whare Mangai Kawanatanga ranei e hangai ana mo nga korero e pa ana ki te utu.

Ka tau mai ana to tono ki te Whanautanga, Matenga Marenatanga, ka mahia nga mahi e tika ana, a, i muri i etahi ra 14 (he whakaritenga tenei na te ture) ka tukuna te Tiwhikete Whakaatu Kaore he Ahuatanga Aukati. Ki te hiahia koe, ma te Whanautanga, Matenga Marenatanga e whakarite kia whakatuturutia te tiwhikete e te Whare Mangai Kawanatanga e tika ana. Ka pau ano etahi ra ki te whakatuturutanga. Ko te roa o te wa ka pau, kei te ahua tonu o te whenua mana te whakatuturutanga, heoi ano, tera tonu pea ka wha wiki.

Mehemea kei Aotearoa koe e noho ana, engari ehara koe i te kirirarau o Aotearoa, he Tiwhikete Kimi te mea ka tukuna ki a koe. Ko ta tenei o nga tiwhikete, he whakaatu karekau he tuhinga e whakamana ana i to noho marena ki Aotearoa i raro i te ture.

Ko te utu o te Tiwhikete Whakaatu Kaore he Ahuatanga Aukati me te Tiwhikete Kimi, ko te NZ$120.00.


Te Rehitatanga, te Whakaaetanga ranei o to Marena ki Tawahi
E tika ana kia matua rehitatia to marenatanga ki te whenua i tu ai te marena. Ko te nuinga o nga marena ka tu ki tawahi i runga i te u ki nga ture o taua whenua, ka whakaaetia i raro i te ture o Aotearoa.

Karekau he here kei runga i a koe, a-ture nei, ki te rehita i to marenatanga i tu ki tawahi ki Aotearoa nei. Engari ka taea te rehita ki konei mehemea ka whai wahi atu he kaitaunaki whai mana mai i tetahi o nga Whare Mangai Kawanatanga o Aotearoa. Me whakapa atu koe ki te whare mangai kawanatanga o Aotearoa e patata ana ki te wahi e tu ai te marena, ka patai mehemea ka taea e ratou taua ratonga.

Heoi ano te painga o te rehita i to marenatanga ki Aotearoa, ka taea tetahi tiwhikete marena o Aotearoa te tuku atu ki a korua. Ehara i te mea ka whakakorehia atu te tiwhikete marena ka tukuna ki a korua e te whenua ki reira te marena.

Return to top of page
Links for help with this site

Site map

Search

Help

Contact us

Email us

Return to top of page

Last updated: 28/10/2003