National Library of New Zealand
Harvested by the National Library of New Zealand on: Apr 25 2004 at 20:53:30 GMT
Search boxes and external links may not function. Having trouble viewing this page? Click here
Close Minimize Help
Wayback Machine
Department of Internal Affairs : Services : Nga Whakaritenga mo te Raraunga ki Aotearoa Skip to Access Key assignments for this site
Skip to the content of this page
Skip to other pages in this section
Skip to site wide navigation
Skip to links for help with this site
Logo of the New Zealand Department of Internal Affairs

Home

Services

About us

What's new

Legal

Online forms

Resources

Other pages in this section

Nga Whakaritenga mo te Raraunga ki Aotearoa

Me Pehea te Tono Raraunga ki Aotearoa

Te Raraunga ki Aotearoa a-Whakapapa

Nga Hui Whakamana Raraunga

Te Raraunga: He Patai ka Pataihia Nuitia

Me Pehea te Whakapa Mai ki a Matou

Return to top of page Content area

Nga Whakaritenga mo te Raraunga ki Aotearoa

Click here for English language version

(Statement on the use of macrons)

E ata whakawhiwhia ai koe ki te raraunga o Aotearoa, me tutuki i a koe nga whakaritenga o te Ture Raraunga 1977, o te Ture Raraunga (mo Hamoa ki te Uru) 1982 ranei.

Tera ka tutuki i a koe nga whakaritenga o te Ture Raraunga 1977 mehemea:
Tera ka tutuki i a koe nga whakaritenga o te Ture Raraunga (Hamoa ki te Uru) 1982 mehemea:
Tera ranei kua whai raraunga ke koe, a, ka ahei koe ki te rehita i to turanga hei kirirarau a-whakapapa mehemea:

He pakeke koe neke atu i te 18 o tau, a, e tutuki ana i a koe nga whakaritenga whanui
Mehemea kua 18, neke atu ranei o tau, tera ka riro koe hei kirirarau o Aotearoa ki te tutuki i a koe nga whakaritenga e whai ake nei:
  • Te Noho Pumau - kua whakaae te Ratonga Manene o Aotearoa kia pumau to noho ki tenei whenua.
  • Te Noho Maori - kua noho ko Aotearoa to kainga pumau i nga tau e toru kua pahure, a, kua puritia e koe nga puka whakamana manenetanga katoa e tika ana mo te katoa o taua toru tau.
  • Te Tuakiri - he tangata tuakiri pai koe.
  • Te Marama - e marama ana koe ki nga kawenga me nga hua o te noho hei kirirarau o Aotearoa.
  • Te Reo Pakeha - kei te marama koe ki te reo Pakeha, ka taea ano e koe te korero Pakeha.
  • O Takune - e mea ana koe kia pumau to noho ki Aotearoa, to mahi ranei ma tetahi whakahaere o Aotearoa ki tawahi.
Ko nga kaitono ka whakaaetia a ratou tono, me puta atu ki tetahi
hui raraunga tumatanui, ki reira oati ai, whakau ai ranei i to ratou haumitanga.


He tamaiti koe kaore ano kia 20 nga tau, a, e tutuki ana i a koe nga whakaritenga whanui
Mehemea kei raro iho koe i te 20 tau, tera ka riro koe hei kirirarau o Aotearoa ki te tutuki i a koe nga whakaritenga e whai ake nei:
  • Te Noho Pumau - kua whakaae te Ratonga Manene o Aotearoa kia pumau to noho ki tenei whenua.
  • Te Noho Maori - kua noho ko Aotearoa to kainga pumau i nga tau e toru kua pahure, a, kua puritia e koe nga puka whakamana manenetanga katoa e tika ana mo te katoa o taua toru tau.
  • Te Tuakiri - he tangata tuakiri pai koe.
  • Te Marama - e marama ana koe ki nga kawenga me nga hua o te noho hei kirirarau o Aotearoa.
  • Te Reo Pakeha - kei te marama koe ki te reo Pakeha, ka taea ano e koe te korero Pakeha.
  • Nga Ra kei te Tu Mai - e mea ana koe kia pumau to noho ki Aotearoa, to mahi ranei ma tetahi whakahaere o Aotearoa ki tawahi.
Te whakaae kia tono - Mo nga kaitono kaore ano kia 18 nga tau, me matua whakaae te/nga matua, te/nga kaitiaki a-ture ranei. Mehemea ko te whaea anake, ko te papa anake ranei e watea ana ki te tuku whakaaetanga, tena whakapa mai ki a matou.

Kaore nga paearu mo te Reo Pakeha, te Tuakiri, me te Marama e hangai ana ki nga kaitono kei raro iho i te 14 nga tau.

Kaore te paearu Noho Maori e hangai ana ki nga kaitono he kirirarau no Aotearoa o ratou matua (taihoa ranei ka riro raua hei kirirarau o Aotearoa).

Ko nga kaitono he neke atu i te 14 nga tau ka whakaaetia ta ratou tono, me puta atu ki tetahi hui raraunga tumatanui, ki reira oati ai, whakau ai ranei i to ratou haumitanga. Ko nga kaitono kei raro iho i te 14 nga tau ka whakaaetia ta ratou tono, ka watea ki te puta atu ki te hui ki te hiahia ratou.


He tangata koe e marenahia ana ki tetahi kirirarau o Aotearoa
Mehemea kua marenahia, e marenahia ana ranei koe ki tetahi kirirarau o Aotearoa, ka whakaaetia to raraunga ki Aotearoa ki te tutuki i a koe nga ahuatanga e whai ake nei:
  • Te Noho Pumau - kua whakaae te Ratonga Manene o Aotearoa kia pumau to noho ki tenei whenua.
  • Te Noho Maori - kua noho ko Aotearoa to kainga pumau i nga tau e toru kua pahure, a, kua puritia e koe nga puka whakamana manenetanga katoa e tika ana mo te katoa o taua toru tau.
  • Te Tuakiri - he tangata tuakiri pai koe.
  • Te Marama - e marama ana koe ki nga kawenga me nga hua o te noho hei kirirarau o Aotearoa.
  • Te Reo Pakeha - kei te marama koe ki te reo Pakeha, ka taea ano e koe te korero Pakeha.
  • He Hononga - kua whiria e koe, a, ka whai koe kia pumau tetahi hononga ki Aotearoa i tua atu i te marenatanga anake.
Ko nga kaitono ka whakaaetia ta ratou tono, me puta atu ki tetahi
hui raraunga tumatanui, ki reira oati ai, whakau ai ranei i to ratou haumitanga.


He tangata koe i whanau ki waho o Aotearoa i waenga i te 1 Kohi-tatea 1949 me te 1 Kohi-tatea 1978, ko to whaea he kirirarau no Aotearoa i to whanautanga mai, engari kaua a-whakapapa

Mehemea i whanau koe ki waho o Aotearoa i te 1 Kohi-tatea 1949, i muri ranei i taua ra, otira, i mua i te 1 Kohi-tatea 1978, ko to whaea he kirirarau no Aotearoa i to whanautanga mai, engari kaua a-whakapapa, tera ka ata whakawhiwhia ki a koe te raraunga o Aotearoa.

Hei tono kia whakawhiwhia ki a koe te raraunga, me whakaki e koe tetahi puka tono, ka utu i nga moni utu, ka tuku mai ano hoki i nga tanga taketake ake e whai ake nei:
  • to tiwhikete whanautanga (e whakaatu ana i nga ingoa o o matua)
  • nga tanga huri ingoa e hangai ana ki a koe (hei tauira, he whakapuakitanga a-ture, he tiwhikete marenatanga)
  • te tiwhikete whanautanga, te tiwhikete raraunga o Aotearoa ranei o to whaea
  • nga tanga huri ingoa e hangai ana ki to whaea (hei tauira, he whakapuakitanga a-ture, he tiwhikete marenatanga).
NZ$460.00 mo te pakeke, NZ$230.00 mo te tamariki (kei raro iho i te 16 nga tau i te wa ka takoto te tono).

He Tamaiti i Whangaihia ki Tawahi
Mehemea i whangaihia koe ki tawahi i te 1 Kohi-tatea 1949, i muri mai ranei i taua ra, otira, i mua i te 1 Kohi-tatea 1978, a, ko to whaea whangai he kirirarau no Aotearoa engari kaua a-whakapapa i te wa i whangaihia ai koe, tera ka ata whakawhiwhia ki a koe te raraunga o Aotearoa. Tena
whakapa mai ki a matou ki te whiriwhiri i nga ahuatanga e pa ana ki a koe.

He tangata i whanau, i whangaihia ranei ki waho o Aotearoa, he kirirarau no Aotearoa tetahi o ona matua
Tera pea he kirirarau no Aotearoa a-whakapapa te tangata i whanau mai, i whangaihia ranei ki waho o Aotearoa mai i te 1 Kohi-tatea 1978.

Ko te tangata i whanau mai, i whangaihia ranei ki waho o Aotearoa i te 1 Kohi-tatea 1949, i muri mai ranei i taua ra, otira, i mua i te 1 Kohi-tatea 1978, a, he kirirarau no Aotearoa te papa, engari kaua a whakapapa, tera ka kiia he kirirarau no Aotearoa a-whakapapa. Tena whakapa mai ki a matou ki te whiriwhiri i nga ahuatanga e pa ana ki a koe.


He tangata kua pa he ahuatanga tino motuhake ki a ia
Kei te Minita Taiwhenua te mana ki te tuku raraunga ki tetahi tangata he ahuatanga motuhake kua pa ki a ia, ki te whakaaro te Minita ka puta he painga ki te iwi whanui ina pera.

Heoi ano, me uaua ka tutuki nga paearu kua whakaritea mo tenei tuahua. I runga i te paearu 'me puta he painga ki te iwi whanui', me whakaatu rawa ma te tuku raraunga e ata puta ai tetahi momo 'hua' ki Aotearoa.

Ki te whakaaro koe he ahuatanga motuhake e pa ana ki a koe, a, ka puta he painga ki Aotearoa ki te whakaaetia to raraunga ki Aotearoa, tena
whakapa mai ki a matou ki te whiriwhiri i nga ahuatanga e hangai ana ki a koe.

I etahi wa, tera pea ka whakapotoa te wa me matua noho maori mai te tangata ki tenei whenua, ka whakakorehia ranei te paearu e ki ana me matua korero Pakeha te tangata. Hei tauira, i nga wa: ina pa he uauatanga kino ki te tangata ki te whakamahia ia kia eke ki taua paearu. Ka ata whiriwhiri te Minita i ia tono i runga ano i nga ahuatanga motuhake o taua tono. Heoi, ko te tohutohu a te Tari, kia kaua te tangata e ata whakawhirinaki ki tenei whakaritenga; me tono anake ina whakapono ratou e tutuki ana i a ratou nga whakaritenga arowhanui o te Ture.


He Kirirarau no Hamoa
Mehemea he kirirarau koe no Hamoa, i runga i nga whakahau a te
Ture Raraunga (Hamoa ki te Uru) 1982, ka whakaaetia to noho hei kirirarau o Aotearoa ki te tutuki i a koe tetahi o nga whakaritenga e whai ake nei:
  • ka taea e koe te whakaatu i Aotearoa koe i te 14 Mahuru 1982
  • i tae mai koe ki Aotearoa i muri i te 14 Mahuru 1982, ka mutu, i whakaaetia e te ture to taenga mai, a, kua whakaaetia kia noho pumau koe ki tenei whenua.
Ko nga kaitono ka whakaaetia ta ratou tono, me puta atu ki tetahi hui raraunga tumatanui, ki reira oati ai, whakau ai ranei i to ratou haumitanga.

Return to top of page
Links for help with this site

Site map

Search

Help

Contact us

Email us

Return to top of page

Last updated: 13/11/2003